Na Bambo Petros Mwale (Mzuzu Diocese – Malawi)
CHIYAMBI
Kasi ni chifukwa uli Ekkleziya wakuphakazga chara ŵanakazi kuŵa ŵasembe?
ZGOLO:
- MPHANGANO LA KALE
Mu Mphangano la Kale tikupulika mbiri ya Debora mu Buku la Ŵeluzgi, iyo yikulongola mwanakazi wa vinjelu na chikanga (Ŵeluzgi 4:1-5, 31). Wakaŵa ngeti mama wa ŵaIsrayele na mprofeti wawo wakuŵayowoyela kwa Chiuta wawo. Wakaŵa mweluzgi wakuŵika mtende pakati pawo ndipo na vyawanangwa ivi ŵanandi ŵakamugomezga na kumutemwa.
- MPHANGANO LA SONO
Mphangano la Sono likutipaso viyezgelero vinandi vya ŵanakazi ŵachipulikano na ŵatuŵa ndipo Eklezia wakuzomela kuti ŵanakazi ŵali na mulimo ukulu na wakuzirwa mu Eklezia na mu charu.
Mama Maria (Luka 1:26-56), Maria wa ku Magadara (Yohane 20:1) na ŵanakazi ŵanyakeso awo ŵakalondezganga Yesu, kweni pa wose aŵa Yesu wakasankhapo mwanakazi yayi kuŵa wasembe. Iye wakasankha ŵanalume pera 12 (khumi na ŵaŵiri) kuŵa ŵapostoli na ŵahariri ŵa ulongozgi wake (Luka 6:12-16). Yesu wakhumba kuti ŵasembe ŵake ŵakozgane nayo Iyo mwene (ngeti Musembe Mulala) mukaŵiro kake ngeti mwanalumi.
UMALIRO
Eklezia wakulondezga chisankho icho Fumu yithu Yesu Khristu wakachita. Mwantheura mpaka sono, Usembe ŵakuphakazgika mbanalume pera.
Pokerani vituŵisko vya Usembe wane kufuma ku Parish ya Cecilia Mutuŵa (Mpherembe – Mzuzu Diocese)
Bambo Petros Mwale, +265884150185 pa WhatsApp pera.
Catholic Doctrines 