KUGULA MISA
na Bambo Petros Mwale (Mzuzu Diocese – Malawi)
CHIYAMBI
Kasi kupereka cha Sembe (ndalama izo tikupereka para tapempha misa) nkhugula misa?
ZGOLO
- DANGO LA EKLEZIA
Kwakuyana na dango la Eklezia, mukhristu uyo wakupempha Sembe ya Misa na chakulata chake wakwenera kupereka chasembe nge nkhujipereka kwake panyake nge ndi sembe yake kwa Chiuta (Canon 1264 No.2).
- NDALAMA ZILINGA?
Dayosizi yiliyose yili na mulingo wake wa chasembe icho mukhristu wakwenera kupereka para wakupempha misa yiliyose kupatula misa ya pa sabata. Misa ya pa sabata yikuchemeka Misa ya Eklezia, Misa ya Ŵanthu (Mass Propopulo).
Nangauli para mukhristu watondeka kupereka chasembe chifukwa chaukavu panyake kusoŵerwa, wasembe wakwenera kumuŵovwira mu pempho lake la maSakramenti (Canon 848). Kweni lileke kuŵa zgowelo chifukwa ŵakhristu ŵakaka nawo ŵakutolerapo mwaŵi.
- CHASEMBE CHIKUYANKHU?
Ndalama izo tikupereka nge ni chasembe chikuwovwira ŵasembe mu uteŵeti wawo nge ni kugula: mafuta yakwendera, vibama, vinyo, salu zapamisa, malaya ya pa misa, soap wakuchapila malaya na salu za pa misa na vinyake vya mu uteŵeti. Kwambula chasembe, ŵasembe ŵithu ŵangateŵeta mwakufikapo chara.
UMALIRO
Tikwenera kumanya kuti Sembe ya Misa nkhujipereka kwa Chiuta ku ŵanthu, kweniso ŵanthu ŵakujipereka kwa Chiuta. Ipo chasembe nikugula Misa chara.
Pokerani vituŵisko vya Usembe wane kufuma ku Parish ya Cecilia Mutuŵa (Mpherembe – Mzuzu Diocese)
Bambo Petros Mwale, +265884150185 pa WhatsApp pera
Catholic Doctrines 