ŴASEMBE ŴATOLENGE?
na Bambo Petros Mwale (Mzuzu Diocese – MALAWI)
CHIYAMBI
“Abambo Petros, kasi ni chifukwa uli ŵasembe ŵa Katolika ŵatola yayi, panji kuŵa na banja?”
Njilani gulu lithu la pa WhatsApp, dofyani apaaaa👇🏻👇🏻👇🏻
https://chat.whatsapp.com/HHZCMsqGGYY2X86W9PrZW3
ZGOLO
“Munthu wambura kutola wakwenjerwa na mulimo wa Fumu, umo wangayikondweskera Fumu; kweni munthu wakutola wakwenjerwa na vyacharu, umo wangakondweskera muwoli wake, maghanoghano ghake ngakugaŵikana” (1 ŴaKorinte 7: 32-34). Ichi chikung’anamula kuti kutola nkhuheni chara nesi munthu wakutola kuti wangatondeka kuteŵetera Chiuta mwakufikapo chara.
VIFUKWA VYAKULEKERA KUTOLERA
Eklezia Katolika wakulangura ŵasembe ŵake kuleka kutola pa vifukwa ivi:
1 . Kukupereka wanangwa kwa ŵasembe kuti ŵateŵetere Chiuta na Eklezia mwakufikapo kwambura mutima wakugaŵikana.
2 . Kukuwovwira ŵasembe kujipereka mwa musuma na chikanga kwa chiuta kwambula wofi wa nyifwa nakughanaghana kuti ŵalekenge banja.
3 . Kukuwovwila ŵanthu kuŵa ŵakujipereka mu Eklezia chifukwa ŵakumanya kuti ŵasembe ni sembe kale.
4 . Kukovwira ŵasembe kujikola nakuŵa na nyengo ya kulomba uwo ni mtima wa uteŵeti mu Eklezia.
5 . Kukupereka kwa ŵasembe mpata wakuleka kutemwera para ŵakunjilikizga na kukhuŵirizga mabanja.
6 . Kukuwovwira ŵasembe kuŵa pafupi na ŵaKhristu kuluska umo ŵangaŵira para wali pa banja.
7 . Ndi chilongolero chapakweru chakukhala umoyo wa Ufumu wakuchanya uko kulije kutola na kutengwa (Mateyo 19:12).
UMALIRO
Ŵasembe ŵa Katolika ŵakukozgana na usembe wa Yesu, Wasembe Mulala, uyo wakaŵa wambula kutola moyo wake wose. Pa chifukwa ichi, dango lakuleka kutola ndakukhalilira swiiiii.
Pokerani vituŵisko vya Usembe wane kufuma ku Parish ya Cecilia Mutuŵa (Mpherembe – Mzuzu Diocese)
Bambo Petros Mwale, +265884150185 pa WhatsApp pera.
Catholic Doctrines 